اشعار ابوذیات

ابخیالی من بعد روحی تمر مر
انشده فکری و اعصابی تمر مر
ابغیابک شو صبح عندی التمر مر
ابوجودک چن عسل حنظل علیه

كلشي اراح مني ما يهمني
و نه اليعرف اطباعي ما يهمني
لو ينطبخ لحمي ما يهمني
((عاصي و لعناده ذيچ هيه))

انشدك عن بحور الكرم ظلمه
او كل مظلوم احب ينزاح ظلمه
الو بي الفشگ و بليل ظلمه
((حطني عيون الك و اتشوف بيه))

بهيمه ياظعن شوكي وناخوك
ونادوك اعلى كل محنه وناخوك
عضيدك آنه بالشده وناخوك
واصير احزام ظهرك للمنية

هواکم مو هوا واحد هواوین
وجفاکم دگدگ اعظامی هواوین
انشدک ما شفت گلبی هواوین
خذه درب الحبیب وگطع فیـّه

إغرف دمع البعیني وسیلة
وعلیک المار انشدنه وسیلة
غیر المسج مااملک وسیلة
ورسل روحي لو تقبل هدیة

حبيبي ارجوك حاجيني شمالك
تهت مابين غربك من شمالك
صرت انتة الهوى واشتم شمالك
واذكرك من تهب ريحك علية

چیمنی بتنور وحرکنی بیدک بس لاتلوحة النار کلبی الیریدک

دک بابی مرة الفرح کلت شعجب غلطان؟؟ لو فاقد الذاکره لو تیه العنوان ؟؟ رد وسئلنی الفرح دلینی بیت فلان مره بحیاتی الفرح اجانی وطلع سکران

هبة ربی وهدیته وانت منه
صرت شریان کلبی وانت منه
خل احنه نتامل وانتمنه
نعیش احنه العمر کله سویه

یصاحب من تماشی انسان کلبه
ودور بالأساس وشوف کلبه
اذا شفته انانی وبی کلبه
تجنب ماوره غیر الأذیه

بسک لا تضل تشکی بهاماک
وتلوم العین وتعضعض بهاماک
اخذ طبع النخل وارفع بهاماک
واذا بالطین عرکک های هیة

حبیبی یفتح اجروحی وناشد
وعله الطبین دوم اسئل وناشد
الحبیبی غزل آنه انظم وناشید
و احبک مایگلی اشلون بیه

الشین ایعیش بالدنیه والخیار
ویجیک القدر لاراده والخیار
طرشی بعد ما آکل والخیار
هذن اثنینهن عمن علیه

بعد ما کض قلم بیدی ولاخیط
ولا الظم حبل ببره ولاخیط
ابثوبی ما بگت دگمه ولاخیط
تفتگ من ثگل ظیم العلیه

الدهر وکت یبعدنی ولاماش
ودوه مانفع علتی ولاماش
احلف تتن ما اشرب ولاماش
ابد مادام توجد نفس بیه

ارید اشرد من الخدمه وشرها
گمت اغسل اهدومی بیدی وشرها
یا هل ناس المن احچی قضیتی وشرها
تالی الوکت امصندح والکرد تضحک علیه

 

كم مره يزعل مني واراضي
ويدلل على گليبي واراضي
مابقت عندي املاك واراضي
بعت حتى هدومي العـليـه

حبيبي الدهر بجفاكم بلانه
قدر مـكتـوب من الله بلانـه
شـلون تنام يالغالي بلانه؟
وماتحن لصدري وضـمة ايديـه

وكعت وصحت انة الك اخ اخ
تأذيت وبجيت هواي اخ اخ
حسافة تعوفني يا خوي اخ اخ
اذا بأول مصية نكتت بية

احبك واليحب روحة نحلهة
العكدة ننظربحلهة ونحلهة
اذامشكلة حبنة مانحلهة
ولك خلص صبري ودشوف صار بية

يادهر بـــــــــــــــــسك عاد كافي نتلاوه
من زغر سني وياك واحنه عداوه

بالك تهاب الموت دوس الثنيه
هم شفت واحد مات كبل المنيه

واحد ينشد واحد ويكول

ثاري الزمن غدار سواه بيه
ضحكني ليله ويوم بجاني ميه

رد عليه صديقه وكال

بجاك مية يوم متعجب بهاي
انه ابجي طول الدهر بس يرجع اهواي

اظل اكتب شعر للزينين ونشد
وسأل على الصاحب دوم ونشد
واصير حزام وقت الظيق ونشد
لك عزيز وغالي عليه

يطارش لو رحت لهناك مرهان
وخبرهم تراني بسجن مر هان
ان كان الزاد عندكم حلومرهان
شحلات الزاد لو تقعد سويه

ارلــی مامشن لل باطل ولخطین
اتواضع صابن اهدافـی ولخطین
مـاگــولن ذهب انـــی ولخطیــــن
خلقنه امنل ثره ربنــه ســــــویه

بیـتـــک بالســـلف مابعــــد میــلن
وحبــــّـک لیش گلبک علـی میلن

اسگینـی من لماک العذب می لن
جمـر شوگک حرگنـی او عمل بیه

الفخر لا للیگلک چان یدی
سخی وکل وکت للمعروف یدی
الفخر للگال تشطر کرم یدی
ووفیت الما وفوا وللوفو لیه

ينخلات الوفــه الحالي تمرچن
و حســافه ايّامنه ألمُرَّه تمرچن
رياح العصـــر مارِدنه تمرچن
ابعواصف بَلَه و تِحترجَن سوِيَّـه

الشیعه التفخر ابحیدر علیها
علیها اتـقلده ابفعله علیها
ثوب الفخر ما یحله علیها
اذا متطرزه ابغیره و حمیٌة

غرامـه من يهـــل روحـــي لعتبــه
و ادور عليــه من عتبــه لعتبـــه
بگلبـــي عتــاب ما اعول لعتبـــه
و لما لگيته العتب شو ضاع ليه

بعد ما ارید اشوفک لا ترانی
ما اریدن غزالک لا ترانی
ابعد منی او خلنی لا ترانی
لحیث اصبحت خاین بل خویه

خنت وعدک بعد لتلوم ویای
سگیت اهموم گلبی اسموم ویای
اتکتر خل اصفی انجوم ویای
بس تبغی الشمس تضوی علیه

صرت دفتر الك وسنين عمري اوراق وبچفك قلم وبكيفك امليني..
احبك وأبقة احبك لا تظن انساك واذا حبيت غيرك شگگ اسنيني..

اذا وياك اسولف صدگ آنه ارتاح لان گلبي بكلامك تسكت جروحه.
اريد وياك احچي وصرت انته الروح ويرتاح البشر من يحچي وي روحه..

علیک انه انکسر ظهری و حنیت
او ذکرت ایامنه الحلوه و حنیت
الک یلمشّطت شعری و حنیت
او هسه الشیب شوف اشعمل بیه

صفیت انه بلا خی او ولد عم
او گمت ما امیز الابیض و لدعم
ادور عل کسر گلبی و لدعم
هجرنی الوکت شوف اشعمل بیه

یالخدچ ذهب لینه تعالی
هبطنه الوکت و الشامت تعالی
من بعدچ تظل روحی تعالی
و ارید انتی الدوه اتصیرین لیه

 شجر تفاح اخدودک و انه زور
و اشحلاتک دلع من تمشی و انه زور
یریت اتصیر لی حضرة و انه زور
و اطوفک کل صباح او کل مسیة

و حگ کلمن یلاهی صاح ولون
المصایب عجنن الدلال ولون
الدهر یمطر علینه اشکال و الوان
الفرح للناس و انه الضیم الیه

زرعت الهيل بارض الشام ورد وسكيته من دموع العين ورد حسافة على الحبيب الي راح وما رد لابد يعود ونكعد احنا سوية

تغيب الروح بغيابك واردها
كتاب جفاك من عندك وردها
روحي بفركتك يذبل وردها
شمس انت وتنور الدرب ليه

الدنيا خلافك وحشه ومره
ولا منك بعد جيه ومره
صورك مره اضمنها ومره
اشوفنها توج نيران بيه