قصیدة لیلة القاسم (ع)
مقدمة ليلة القاسم(ع)
حسيني وحيدري .. وفــدائك منحـري
ياعمي دمي
فدوه فدوه الك
___________
امــي ياعــمــي النصــرتك لبــستني لامتي
اتكلي بيك اگــبال زينب ارد اشيلن هامتي
لا انته ابني ولا اعرفك لون ترفض كلمتي
يــبني سالم لاتجــيني رمــله شكلت ذمتي
لتكسر خاطري .. وفدائـك منحـري
ياعمي دمي
فدوه فدوه الك
____________
عمري صح زغير لكـن انه اعجبك بالحرب
السهل لتوديني يمه واهسي بس بالصعب
جاسم الكلفــات ثوبه وغــير ثوبه مايحب
العمه عـباس ابوفاضل مـثل عمه ينحسب
النصرتك مشتري .. وفدائك منحري
ياعمي دمي
فدوه فدوه الك
________________
الما يبــديلك دمــائه ماتــباوعله الســمه
مثل الاكبر ارد اصير بمــعرفه بده الدمه
بين اديك الي يقاتل ينحسب عمي ازلمه
وانه جايك لاتردني الخاطر امـك فاطمه
نصرتك جوهري .. وفدائك منحري
ياعمي دمي
فدوه فدوه الك
_____________
الحــسن ماموجــود بالطــف ابنــه غيــر يمثله
الـخاطـر اعــمامة ابــويـه خــل امــثلــه بكربله
راح اطب والجيش شوفه صوت سيفي يزلزله
حالــف اليتــدنه يمــي مايـــرد صــــاحي الـهله
ابن اخيك عبقري .. وفدائك منحري
ياعمي دمي
فدوه فدوه الك
____________
الماينــصـــرك أي يعــمي هـــذا اخــرته خــسر
واليخسرك ســوء صــيـته يـوصل السابع ظهر
النــاس تـنـذر بس سوالف وانــه نــاذرلك نحر
أئذلي خل بالسيف اموت اولا اموت من القهر
ابجبيني ينقري .. وفدائك منحري
ياعمي دمي
فدوه فدوه الك
______________
ابــلا نصــرتك عــمري هـذا لا لــه قيمــه اولاثمن
اشموعي ويه اسنين عرسي مو مهم خل ينطفن
الحـومه خل تــزفني ميــت والسيــوف ايهــلهلن
لجــلك من استــشهد انــه ينشرح گــلب الحـسن
كتبت بدفتري .. وفدائك منحري
ياعمي دمي
فدوه فدوه الك
*
حيدر تركي الكربلائي