كافـي مـوكـسرتي الظلوع
بـويه زينب بـسـچ ادمـوع
دمعتچ چنها نـهـر .. خلـت ابخـدچ أثــر
بـويـه زينــب
_________________
اشـبيـچ يابـويـه يـزينـب ليـش عيـنـچ حـمره
ليش كل هذي البواچي ابراسي بس هالطبره
شلـون لـو شفتـي اخـوچ حسين فوگ الغبره
وبذنـچ اتسـمعين مـن الـخيل تطـحن صـدره

گلبچ ابهالساعه شيگول
لـَمن اتشـوفين الخــيول
اتساوي صدره اويه الظهر .. خلـت ابخـدچ أثـر
بويه زينب
_________________
ليـش كل هـذي البواچي وانـه يمـچ گاعد
آلمـتـني ادمـوع عيـنچ بـويـه الله الـشاهد
ارد انصحچ بويه زينب ابـچي بس الـواحد
الشمر لوشفتيه يبويه فـوگ صدره صاعد

حتــى لـو تعــمين العــيون
للحـسين اعـيـونـچ اتهــون
ادري دمعات النظر .. خلـت ابـخــدچ أثـر
بويه زينب
_________________
جرحي بس واحـد يزينب بـويه لا مو ميه
وحرگت اخدودچ دموعچ بالبواچي اعليه
اشلون اخوچ اتشـوفه عينچ جثته مرميه
من يصـيح الشـمر بسمـچ يالله يالمـسبـيه

وانتـي مـوبـيـدچ تظـلين
اويه الشمر لازم تـروحين
اتمَوت اجروح الدهر .. خـلـت ابـخـدچ أثـر
بويه زينب
_________________
انــه للــعبــاس گتــلــه بـويــه لـَـتخلـــيها
اختك امن اتريد ماي امن العيون ارويها
بـويـه زينب والـشريعـه بالـچ اتگـصديها
رايحـه العباس اگـعده فــدوه لتـگـوليها

يستحي مگطوع الچفوف
عالشريعه طـولچ ايــشوف
وظهره الحسين انكسر .. خلــت ابخـدچ أثـر
بويه زينب
_________________
جرحي بس من صوب واحد ينزف اتشوفينه
ولجـل جـرحي دمــع عـينچ من دمــه اتهلـينه
حســـين باچــر عالتــراب امطــبر اتعــوفـينه
اچفــوفــچ امـربطه بويـه وبـيمـن اتــداوينه

عـلى جسـمه من تمـرين
مــا الومــچ لوتمــوتــين
الظعن من ابجسمه مر .. خــلـت ابخـدچ أثـر
بويه زينب
_________________
اخوانچ ومن تغفه عيني جسمي ميتركونه
ابـچـي عالـيــبقه ثــلاث ايــام ميــدفــنـونه
عــادت الميــت يبــويــه بـچــفــن ايلـــفونه
وبـس الحسيــن ابحــصيـره لـَمـن ايچفنونه

يختلف عالموته الحسين
 لاغـسل وبـلايه تچـــفين
ابدفنته جاچ الخبر .. خــلت ابخــدچ أثـر
بويه زينب
__________________
الشاعر : حيدر تركي الكربلائي