حالی شعرکم وانصبت منه ابمرض سکرانی
او سئلونی سکران او گلت عدکم عجب سکرانی
گالو خمر شارب گلت سامع شعر سکرانی
أحدث شعر هذا العصر وأکمل وزن مهداوی


 حِس الحِسد عند الحَسد یهل الحسد حسدونی
و اللی حسدنی ابلا سبب چی بالرتب حسدونی
اشما بعد عدکم حسد یهل الحسد حسدونی
لحرگکم ابنار الحسد وأمضی ابفله العز طاوی



چا وشحلات الچا چا شنهی انته       والحچی ابدون الچا چا شنهی لذته



 مُهر الشرف للما عرف گدر الزلم منغیره
او منهج اهلنه ایضل فخر النه وأبد منغیره
ما ینحسب منه الیود یچسب فخر منغیره
منه البنه بیده المجد والصوت اله أصبح داوی



 بوسام کل شاعر فطن هذا الشعر وسمیته
وبخیر کل وسمي النزل یسگی الارض وسمیته
خلدّته بسمی أو دوّنت اسمه ابثقه وسمیته
و الیسئلک عنه ابعجل جاوب یخی مهداوی