فی مولد الامام المهدی (عج)

حرت بالعید شکتب منه شعر شا بدی
حتی القلم ظل محتاروالدفتر فکری تاه مووحدی
وشوف الناس کلها الفرح شایلها چبیر الفرح موگدی
وشوف الملک گام ایکبر ایهلل وحادی الخیر بزمول الشرف یحدی
گلت خل اشکر الباری علی النعمه اله تسبیحی وحمدی
کله الناس مسروره عربی وعجمی  وهندی
شی تنثر عطورو هیل شی تنشد شعر شعبی ابلحن نجدی
وانا حایر بعدنی ابوصف هلمولود چلمة شعر ماعندی
ها لیوم الجنان امزینه ابنوره والوده ثوابه ایحصله نقدی
ها لیوم السما والا رض مزدهرات وانه الشوگ هزنی وهمت من وجدی
هنیاُ یانبی الرحمه والف مبروک علیک واهل بیتک یا شمع چبدی
ابولادت قائد الا یمان  منجی البشر روحی المقدمه  افدی
احبه واحب من والاه علا رغم  العدی وعمدی
الیحبه ایفوز بلجنه وحوریه تگله اتدثر ابجعدی
یریت اکحل اعیونی ابنظرتی النوره یحد البصر منی واشفی من رمد ی
اقدّس جبهتی ابجدمه واخلی اتراب نعله ایمس عله خدی
حبیب وچبدتی دارا افدیله العشیره  وبیتی وولدی
طبیب الروح ابوصالح بلسم للجروح وکل وکت ضمدی
یا نفسی ا شخبر هالیوم هذا العید جانه ابعجل شوگعدی
شمسنه طالعه هالیوم صلاه العید صلی من بعد عیدی
احتفال الیوم بیه مشترکه کل الناس حته الخلگ ولجن وی حورالعین الحجروالشجر  ویه الگصب والبردی
واطیور السما بلحان تتردد وریح الخیر حامل طیب متعدی
واطفال السلف ملتمه  بالساحات تنشد بسم عالی الشان بلوان تادی
القائد والشعب والجیش محتفلین فلاح حرس والجدی
وکل الخلگ گام استقبل المولود العاند عناده ما بعد یجدی
روحی وروح کل ذی روح واهلی واخوتی تفدیک یلمهدی